13 January 2008 صحّ النوم

الله يكون في عون العيال في مدارسنا

نهاية اليوم الدراسي ولادة جديدة ليهم؟

والسبب بسيط جدا؟؟؟؟؟؟؟؟
ايه يعني ان الفصل يزيد عن 70 تلميذ بيتنفسوا

والفصل اصلا يستوعب 40
ايه يعني ذلّ المدرسين، ولا ان شنطة المدرسة توزن 15 او 20 كيلو شايلنها رايحين جايين

وايه يعني الدروس طول اليوم جوه المدرسة ، وبعدها نفس الدروس بس اوضح في الدروس الخصوصية

ايه يعني الاهالي في البيوت مش طايقة العيال من خنقة الاسعار والدروس
كلها مسائل بسيطة
كل ده بالاضافة طبعاً للامتحانات اللي اصلا جاية اما علشان تعجزهم او تستغفلهم

اصل مفيش حل وسط
الأبسط من كده الوضع في المدارس الخاصة
هي اكيد انظف والامور فيها افضل كتير لكنها اصعب
ومليانة مشاكل وبرضو بسيطة
احنا بس اللي بنعقدها
امبارح كان امتحان الرياضيات لصف ثالثة ابتدائي

ونكتة امتحان الرياضيات اللي جه للمدارس الخاصة الفرنسية والمفروض انه باللغة الفرنسية

ان الامتحان مكتوب بفرنساوي مش فرنساوي وحتى مدرسين الفرنساوي معرفوش يحلوه
اصل اللي كتب الامتحان يمكن يكون خريج كلية زراعة..الله واعلم!!
الله واعلم كمان التلاميذ عملوا ايه!!!
المهم ان اليوم عدى ... وخلاص

هي الطلبة ناقصة!!!!!!!!!

ناقصة ايه؟.. دول احسن طلبة في العالم
وبيقولوا ان الطفل المصري اذكى طفل في العالم
رغم اني مش عارفة اذاي اذكى والمدرسين مش عارفين الفرق بين اللغات

الحقيقة تتقال المدرسين بقوا من فولاذ، مفيش حاجة بتهدهم ابدا
الصبح في المدرسة وبعدها طول اليوم دروس خصوصية

وفي الاتنين ذكائهم مش اعلى من ذكاء الطفل، ومش كفاية كبت وضغط على العيال
برضو بيستعرضوا نفسهم جوه ورقة الامتحان

؟؟؟؟؟؟؟؟؟؟؟؟؟؟؟؟؟؟

لكم الله يا تلاميذ مصر